“CRASH”

LIBRU NOU DE DANIELA PIRAS

De Daniela Piras

 

Una chistione pro nudda alligra ma chi s’autora resessit a tratare cun ironia e finta lebiesa. Sunt istōrias chi pertocant totu nois e chi, in carchi manera, amus intčndidu a curtzu. Istōrias de pitzinnos chi ant ite fāghere cun sa crisi econōmica, giōvanos a sa prima isperičntzia chi s’atzumbant totinduna cun su mundu de su traballu, ōmines chi benint inglobados induna situatzione precāria a pustis chi s’esserent gosados de una tranchillidade cuntratale pluriennale ma fintzas istōrias chi cun sa crisi tenent unu raportu foranu. Difėtzile a classificare custos contos e a los serrare induna narada, cada unu de issos frunit unu puntu de bista diversu subra sos tempos de oe, si faeddat de prospetivas, de progetos, ambitziones, rassinnamentos, ispedientos, imbentivas.

In s’isfundu de sas istōrias b’est sa Sardigna, sa tzitade de Tātari in ue cumparint sas contrarias, sa tiztade minore e sa bidda manna si fundent. Personāgios pintōricos pōpulant sos cuarteris de intro sa bidda, isvārias categorias de traballadores s’atōbiant a pare, disocupados chircant un’idea chi los giuatat fora dae sa paule in ue cumentzant a s’infangare fintzas sas aspiratziones e sos bisos.

Su filu chi ligat custas istōrias contadas est sa crisi e totu cussu chi nde cunsighit. Una situatzione econōmica disastrada chi ponet umpare, comente una valanga, totu sas bisuras de sa vida de sos protagonistas o de chie s’agatat in su caminu issoro, lompende finas a sa vida personale e sentimentale. E inoghe si ponet in lughe carchi cosa chi de ispissu benit sutabalidada: sos retroscenas de una vida chi paret tranchilla, sa solitųdine de s’ānima a dae segus de sa seguresa econōmica, sa dificultade seberende unu tempus benidore.

Totu s’imbōligat e si culligat intre atores chi parent no apant nudda in comune. Una sorta de revolutzione suterrānia in ue sunt protagonistas comunes tzitadinos, chi cada unu de custos s’iscorrat cun sas dificultades de pōdere realizare sas ambitziones prōpias.

Unu libru chi si lassat lčghere bene e chi at sa capatzidade de fāghere a rėere e dare a pensare, a pustis.

A finitia de su libru s’at comente su sentidu de non āere tentu totu sas respostas, comente unu film arressadu a meidade, e tando si bi rendet contu de su sinnificu de cantu iscritu in sa de bator cobertinas: “Est totu neghe de sa crisi”, una giustificatzione a totu cussu chi non si resessit a ispiegare cun sa rejone.

web-log: http://daniela-piras.blogspot.com 

Marco Del Bucchia Editore: www.delbucchia.it

Daniela Piras est nāschida in Tātari, in ue s’est laureada in Iscičntzias de sa Comunicatzione e Giornalismu. At a s’ativu suo una regolta de contos (Parole sugli alberi - Parāulas subra sas ārbures, Roma 2011) e unu Romanzu (Village, Roma 2013), in prus a isvārios reconnoschimentos in campu literāriu.